fbpx

老伴

相關文章

醫生有班老友記
醫生有班老友記http://www.popular.com.hk/jsp/product/product_detail.jsp?vca001=8&vpd001=60619
每日遊走醫院的大夫,很多所見所聞所感所想希望跟大家分享。

「啲傷口好番啲啦, 食住類固醇應該會好啲。」

這是一間政府資助老人院, 我跟老人院護士W剛在床邊看完一位婆婆, 正走回由活動室臨時變成的診症室。

「係呀, 上次皮膚科醫生都加咗藥。」護士W跟我說。

婆婆身體狀況一向不是太好, 她中過風, 不能走動, 又不能與人溝通。上個月被發現雙腳出現多個水泡, 經檢驗後發現是天疱瘡。天疱瘡 (pemphagoid) 在長者身上並不罕見, 通常患者雙腳會無緣無故出現完整的水泡, 有些會破掉形成傷口, 故此需要護理。治療天疱瘡的主要藥物, 便是類固醇。

走到診症室門口, 看見一個叔叔正在等候着。

護士W對我説: 「呢個係婆婆老公呀。」

關上門, 護士W便立即告訴我:「你最好同我話吓佢, 叫咗佢唔好攪啲傷口㗎啦, 我地會處理, 佢係都要成日用毛巾擦佢啲皮膚,佢啲皮膚已經唔係好㗎啦,擦到損哂, 咁啲皮膚點好喎。」

天疱瘡患者容易有傷口, 的確需要護理, 胡亂處理確實不是太好。

「咁叫佢入嚟傾吓。」我説。

「叔叔, 婆婆啲皮膚唔仔, 你唔好成日攪佢, 咁樣啲皮膚好難好㗎。」叔叔走進來後我對他説。

「無, 我搵條濕毛巾幫佢掹吓身嗞嘛。」叔叔回應。

「唔使㗎啦。老人院啲同事會同佢做㗎啦, 會處理得好好㗎。」我說。

突然, 叔叔兩眼通紅: 「叫佢地做嘢, 佢地唔理我㗎。我淨係做到呢啲㗎渣。呢啲都唔做, 我仲可以做啲乜?」

一時間, 我也不知如何應對。

面對老伴, 縱然患病生活不能如同以往, 但仍然想為她做得更多更好。縱使知道自己未必有能力改變什麼, 但還是一點一滴用自己的方法去努力着 。

人與人之間, 就是靠這份愛, 緊緊維繫着彼此。

留下一個答覆

請輸入你的評論!
請在這裡輸入你的名字

最新文章

醫療進步-父親給我的啟示

我深信所有的專家醫護人員也是抱着良好的願景。衷心希望所有的醫療進步醫療改革不是以疾病為中心,而是以病人為中心。

相關文章